Azərbaycan Mərkəzi Bankı (AMB) bu gün depozit hərracında 150 mln. manat cəlb edib. Bu barədə “İnterfaks-Azərbaycan” agentliyinə AMB-dən məlumat verilib.
“Mərkəzi Bank iyulun 22-də keçirilən hərracda 150 mln. manat məbləğində vəsait cəlb edib. Hərrac zamanı təklif 827,9 mln. manat, orta ölçülmüş faiz dərəcəsi 6,51% təşkil edib”, - deyə məlumata bildirilir.
Vəsaitlər 14 gün müddətinə cəlb edilib.
Xəbər verildiyi kimi, AMB depozit hərraclarının keçirilməsinə 2016-cı ilin iyun ayında başlayıb.*
Ə.Məmmədov