Sahibkarlığın İnkişafı Fondu Bakının Qaradağ rayonunda biznes strukturların maliyyələşdirlməsi üçün prioritet sahələri müəyyən edib. Bu barədə “İnterfaks-Azərbaycan”a Fonddan məlumat verilir.
Xüsusilə, Fond ət kəsimi, karton tara, tikişçilik, dekorativ daş və şirniyyat məhsullarının istehsalı müəssisələrinin yaradılmasını məqsədəuyğun hesabe dir.
Qaradağ rayonunda fəaliyyət göstərən sahibkarlar aşağıdakı istiqamətlərdə investisiya layihələrini maliyyələşdirilməsi məqsədilə müvəkkil kredit təşkilatlarına təqdim edə bilərlər”, - Fonddan qeyd edilib.
Xəbər verildiyi kimi, 2018-ci il avqustun 1-də prezident İlham Əliyev “Azərbaycan Respublikasında sahibkarlığın inkişafına dövlət dəstəyi mexanizminin təkmilləşdirilməsi haqqında” fərman imzalayıb.
Fərmana əsasən Sahibkarlığa Kömək Milli Fondu (SKMF) ləğv edilib və İqtisadiyyat Nazirliyinin tabeliyində Azərbaycan Respublikasının Sahibkarlığın İnkişafı Fondu (SİF) publik hüquqi şəxs təsis edilib. Fondun nizamnamə kapitalı 1 mlrd. 94 mln. 254,581 min manatdır.
2018-ci ildə fondun xətti ilə sahibkarlara 160,2 mln. manat güzəştli kredit verilib. 2019-cu ildə bu məbləğ ən azı 160 mln. manat təşkil edəcək.
SİF 3 il müddətinə 5 min manatdan 50 min manatadək, 5 il müddətinə 50 min manatdan 1 mln. manatadək və 10 il müddətinə 1 mln. manatdan 10 mln. manatadək kredit verir. Kreditlər illik 5%-lə verilir.**
B.Rüstəmbəyov