2019-cu ilin yanvar-sentyabr aylarında Gürcüstan Azərbaycandan elektrik enerjisi idxalını 39,6% - 820,9 mln. kVt/saata qədər artırıb. Bu barədə “Gürcüstanın elektrik enerjisi sistemi kommersiya operatoru” (ESCO) SC-dən məlumat verilib.
Cari ilin 9 ayı ərzində elektrik enerjisi idxalı 1 mlrd. 20,6 mln. kVt/saat təşkil edib (artım 22,6%). Azərbaycandan başqa, Gürcüstana Rusiyadan elektrik enerjisi tədarükü həyata keçirilib – 199,7 mln. kVt/saat (azalma 0,2%).
Gürcüstandan elektrik enerjisi ixracı 2,4 dəfə - 240,6 mln. kVt/saata qədər azalıb.
Ən iri həcm Türkiyəyə tədarük olunub – 112,8 mln. kVt/saat (azalma 3,4 dəfə). RF-yə 59,2 mln. kVt/saat (azalma 38,9%), Ermənistana – 59,3 mln. kVt/saat (azalma 27,7%), Azərbaycana 9,3 mln. mln. kVt/saat (azalma 2,5 dəfə) elektrik enerjisi ixrac olunub.
Gürcüstan ərazisi ilə elektrik enerjisinin tranziti yalnız Azərbaycandan Türkiyəyə həyata keçirilib (94,6 mln. kVt/saat, artım 7,1 dəfə). **