Azərbaycan prezidenti İlham Əliyev “Azərbaycan Respublikası ilə İran İslam Respublikası arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının Azərbaycan Respublikası tərəfindən yeni tərkibinin təsdiq edilməsi haqqında” sərəncam imzalayıb.
Sərəncamın mətni cümə günü dövlət başçısının saytında dərc olunub.
Komissiyanın həmsədri Azərbaycan Respublikası Baş nazirinin müavini Şahin Mustafayevdir.
Həmçinin, Komissiyaya iki nazir - energetika və nəqliyyat, rabitə və yüksək texnologiyalar nazirləri daxil olub.
O cümlədən, Komissiyaya Dövlət Turizm Agentliyinin sədri, Azərbaycan Respublikası Qida Təhlükəsizliyi Agentliyinin sədri, Dövlət Sərhəd Xidmətinin rəisi, “Azərbaycan Dəmir Yolları” Qapalı Səhmdar Cəmiyyətinin sədri, “Azərbaycan Xəzər Dəniz Gəmiçiliyi” Qapalı Səhmdar Cəmiyyətinin sədri, “Bakı Beynəlxalq Dəniz Ticarət Limanı” Qapalı Səhmdar Cəmiyyətinin Baş direktoru, “Azərenerji” Açıq Səhmdar Cəmiyyətinin prezidenti və Azərbaycan Meliorasiya və Su Təsərrüfatı Açıq Səhmdar Cəmiyyətinin sədri daxildir. **
B.Rüstəmbəyov