“Azəralüminium” MMC 2020-ci ildə alüminium rulon yükünün Ukrayna və Belarusa daşınmasını təşkil edəcək. Bu barədə “İnterfaks-Azərbaycan” agentliyinə cəmiyyətdən məlumat verilib.
Alüminium rulon yükünün Dnepropetrovsk və Minskə Gəncədən daşınmasının təşkil edilməsi planlaşdırılır.
Şirkət daşımaların təşkili məqsədilə nəqliyyat şirkətlərinin seçimi üzrə tenderlər elan edib.
Hər bir tenderdə iştirak haqqı 100 manatdır.
Təkliflər 3 yanvar 2020-ci il tarixinədək qəbul olunur. Tender proseduru yanvarın 6-da baş tutacaq.
Telefon: (+994 50) 268 81 33. Əlaqləndirici şəxs:İsmayıl Hüseynov
«Azəralüminium» MMC “Azərbaycan Sənaye Korporasiyası” ASC-nin balansındadır.
“Azəralüminium” MMC Azərbaycan Respublikasında əlvan metallurgiya sənayesinin müəssisələrini özündə birləşdirməklə boksit filizindən alüminium-oksid, ilkin alüminium külçə və s. istehsal edir. İllik istehsal gücü 50 min tondur. Müəssisənin məhsullarının 98%-i Türkiyə, Rusiya, Avropa İttifaqı ölkələri və ABŞ-a ixrac edilir.
Prezident İlham Əliyev 6 noyabr 2017-ci il tarixində “Azərbaycan Sənaye Korporasiyası” ASC-nin yaradılması haqqında fərman imzalayıb. “Azərbaycan Sənaye Korporasiyası” dövlət əmlakının idarə edilməsinin səmərəliliyini artırmaq, korporativ idarəetmə prinsiplərinə əsaslanan hesabatlılıq və nəzarət sistemini formalaşdırmaq, dövlətə məxsus müəssisələr arasında əlverişli kooperasiya əlaqələrinin yaradılmasına və istehsal potensialının dəyər zəncirinin həlqələri üzrə artırılmasına nail olmaq məqsədilə yaradılıb. Cəmiyyətin nizamnamə kapitalı 500 mln. manat təşkil edir.*
B.Rüstəmbəyov