Prezident İlham Əliyev Azərbaycan Respublikası Dövlət Neft Fondu Müşahidə Şurasının yeni tərkibini təsdiq edib.
Müvafiq sərəncam bu gün imzalanıb və dövlət başçısının saytında dərc olunub.
Sərəncama əsasən, Müşahidə Şurasının tərkibinə Azərbaycan Respublikasının baş naziri, Milli Məclis sədrinin müavini, Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri, Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi siyasət və sənaye məsələləri şöbəsinin müdiri, maliyyə naziri, iqtisadiyyat naziri və Azərbaycan Respublikası Mərkəzi Bankının sədri daxil edilib.
ARDNF prezident Heydər Əliyevin 29 dekabr 1999-cu il tarixli fərmanı ilə yaradılıb. Fondun Əsasnaməsi 2000-ci il dekabrın 29-da təsdiq edilib. Fondda neft müqavilələrinin reallaşmasından, əsasən dövlətin mənfəət neftinin satışından, ölkə ərazisində neft və qaz nəqlinə görə tranzit tariflərindən, dövlət əmlakının icarəsindən və digər mənbələrdən daxil olan gəlirlər toplanır.*
N.Abbasova