Dövlət Təhlükəsizliyi Xidməti (DTX) Neftçala Rayon İcra Hakimiyyətinin çoxsaylı cinayət əməllərinə yol vermiş vəzifəli şəxslərinin tutulması üzrə xüsusi əməliyyat keçirir.
“Neftçala Rayon İcra Hakimiyyətinin vəzifəli şəxslərinin səlahiyyətlərindən qulluq mənafeyinə qəsdən zidd olaraq istifadə edib vətəndaşların hüquqlarına, cəmiyyətin və dövlətin qanunla qorunan mənafelərinə mühüm zərər vuran çoxsaylı cinayət əməllərinə yol vermələri ilə bağlı başlanılmış cinayət işi üzrə kompleks əməliyyat-istintaq tədbirləri həyata keçirilir”, - deyə DTX-nin mətbuat xidmətindən məlumat verilib.
Xüsusi əməliyyatın təfərrüatları barədə ictimaiyyətə məlumat veriləcək.*
X.Nəsirzadə