Azərbaycan İran ilə sərhədin məhdudlaşdırıcı rejimi daha iki həftə müddətinə uzadıb. Bu barədə Nazirlər Kabineti yanında operativ qərargahdan məlumat verilir.
“Ümumdünya Səhiyyə Təşkilatı (ÜST) tərəfindən koronavirus infeksiyasının (COVİD-19) qlobal pandemiya elan olunduğunu nəzərə alaraq, Azərbaycan ərazisində virusun yayılmasının qarşısını almaq məqsədilə 29 fevral 2020-ci il tarixində qəbul edilən İran ilə sərhədin məhdudlaşdırıcı rejim əsasında müvəqqəti bağlı saxlanmasına dair qərar növbəti iki həftə müddətinə uzadılıb”, - məlumatda qeyd olunur.
Operativ qərargahın məlumatına əsasən, indiyədək Azərbaycanda 12 nəfərdə koronavirus aşkarlanıb, onlardan 10 nəfər Azərbaycan, bir nəfər – Rusiya, bir nəfər - Almaniya vətəndaşıdır. Onlardan 11 nəfər İranda olduğu müddətdə yoluxub, daha bir nəfər isə İtaliyada yoluxub. **
X.Nəsirzadə