Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev bəyan edib ki, hazırda COVİD-19 koronavirus ölkə daxilində yayılma tendensiyasına malikdir.
“Bu günə qədər Ümumdünya Səhiyyə Təşkilatı tərəfindən Azərbaycanda koronavirus idxal olunan bir xəstəlik kateqoriyasında gedirdi. Amma xəstəliyin yayılması tendensiyası onu göstərir ki, virus ölkə daxilində yayılma tendensiyasına malikdir", - Hacıyev bazar ertısi keçirilən brifinqdə vurğulayıb.
Onun sözlərinə görə, həmçinin ÜST Azərbaycanda koronavirusla əlaqədar vəziyyətlə bağlı “həyəcan siqnalı” elan etməyib.
İndiyədək Azərbaycanda COVİD-19 koronavirusa 72 yoluxma faktı qeydə alınıb. Onlardan 10 nəfər sağalıb, bir nəfər dünyasını dəyişib, 61 nəfər xüsusi rejimli xəstəxanalarda müalicə alır. **
A.Əzizov