Prezident İlham Əliyev Göygöl rayonunda 10 ədəd subartezian quyusunun layihələndirilməsi və qazılması məqsədilə dövlət büdcəsindən “Azərbaycan Meliorasiya və Su Təsərrüfatı” ASC-yə 700 min manat məbləğində vəsaitin ayrılması haqqında sərəncam imzalayıb.
Bu addım Göygöl rayonunun əhalisi 13774 nəfər olan 7 yaşayış məntəqəsində əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya tələbatının ödənilməsi məqsədilə atılıb.
Vəsait 2020-ci il dövlət büdcəsində nəzərdə tutulmuş dövlət əsaslı vəsait qoyuluşu çərçivəsində ayrılacaq.
Müvafiq sərəncam bu gün imzalanıb və dövlət başçısının saytında dərc olunub.*
X.Nəsirzadə