2020-ci ilin birinci rübündə Azərbaycan $36 milyon 286,92 min dəyərində 5,73 min ton qabığı təmizlənmiş meşə fındığı ixrac edib. Bu barədə “İnterfaks-Azərbaycan” agentliyinə hökumətdən məlumat verilib.
Ötən ilin analoji dövrü ilə müqayisədə ixrac say ifadəsində 18,8%, dəyər ifadəsində - 5,4% azalıb.
Meşə fındığının əsas idxalçıları Rusiya, İtaliya və Almaniya və Çexiyadır.
Xüsusilə, 3 ay ərzində Rusiyaya $16 milyon 10,75 min məbləğində 2,707 min ton, İtaliyaya $9 milyon 190,92 min məbləğində 1.311 min ton, Almaniyaya $4 milyon 772,14 min məbləğində 660 ton, Çexiyaya $2 milyon 848 min məbləğində 440 ton fındıq ixrac edilib.
2019-cu ildə Azərbaycan $124 milyon 207,53 min məbləğində 22,023 min ton qabığı təmizlənmiş meşə fındığı ixrac edib.** B.Rüstəmbəyov