Azərbaycanda şənbə günü yeni koronavirus infeksiyasına 379 yoluxma faktı qeydə alınıb. Bu barədə Nazirlər Kabineti yanında Operativ Qərargahdan bildiriblər.
“Bu gün 379 nəfərdə koronavirus aşkar olunub. COVID-19 üçün götürülən analiz nümunələri müsbət çıxmış 1941-ci və 1956-cı il təvəllüdlü iki nəfər vəfat edib. Həmçinin, 153 nəfər müalicə olunaraq sağalıb və evə buraxılıb”, - məlumatda qeyd olunur.
Hazırkı dövrədək ölkəmizdə 7239 nəfərin koronavirus infeksiyasına yoluxması faktı müəyyən edilib, onlardan 4024 nəfər müalicə olunaraq sağalıb, 84 nəfər vəfat edib.
Hazırda 3131 nəfərin xüsusi rejimli xəstəxanalarda müalicəsi davam etdirilir. Həmin şəxslərdən 72 nəfərin vəziyyəti ağır, 86 nəfərin vəziyyəti orta ağır qiymətləndirilir, digərlərinin səhhəti stabildir.
Ötən müddət ərzində yeni yoluxma hallarının müəyyənləşdirilməsi ilə əlaqədar 334 min 863 test aparılıb. **
B.Rüstəmbəyov