Koronavirus pandemiyası (COVİD-19) dövründə təxminən 1,2 min rusiyalı Azərbaycandan Rusiyaya gedib. Bu barədə Rusiyanın Azərbaycandakı səfiri Mixail Boçarnikov məlumat verib.
"Azərbaycanda Vətənə qayıtmaq istəyən Rusiya vətəndaşlarının sayı kifayət qədərdir. Hazırda səfirliyin siyahısında 4 mindən artıq müraciət var. Biz vətəndaşlarımızın Rusiyaya qaytarılmasını mütəmadi qaydada həyata keçiririk. Martın 18-dən yerüstü yolla Azərbaycandan 1172 Rusiya vətəndaşı aparılıb", - deyə Boçarnikov bu gün mətbuat konfransında bildirib.
Diplomatın sözlərinə görə,"bu istiqamətdə işlər hər iki tərəfin səyləri ilə daim aparılır".
Səfir əlavə edib ki, Rusiya koronavirusla bağlı 12 min müayinənin keçirilməsi üçün Azərbaycana təmənnasız olaraq120 dəst test sistemi verib. "Biz ehtiyac yaranacağı təqdirdə lazımi yardım göstərməyə hazırıq", - deyə Boçarnikov əlavə edib.*
A.Əzizov