Azərbaycan ərazisindən qonşu ölkə olan İran İslam Respublikasına qarşı indiyədək heç bir addım atılmayıb və bundan sonra da atılmayacaq. Bu barədə Azərbaycan Müdafiə Nazirliyi bəyan edib.
“Ermənipərəst qüvvələrin yaydığı bu xəbərin heç bir əsası yoxdur və yalandır. Bu cür məlumatın yayılması Azərbaycan-İran münasibətlərinə xələl gətirmək məqsədini güdür. Tamamilə aydındır ki, iki ölkə arasında xoş münasibətlərə zərər vurmaq məqsədilə yayılmış məlumat şər və böhtandan başqa bir şey deyil”, - nazirlik bir sıra KİV-in İrana hava zərbələri endirdiyi iddia edilən və Rusiyanın “Konteyner” RLS-i tərəfindən aşkar edilən naməlum hərbi təyyarələrin Azərbaycanın hava məkanından istifadə etmələrinə dair məlumatları «İnterfaks-Azərbaycan”a şərh edərkən bildirib. **
B.Rüstəmbəyov