Azərbaycanın milli aviadaşıyıcısı (AZAL) ötən gün Dubaydan çarter reysi yerinə yetirərək 186 həmyerlimizi vətənə çatdırıb.
“AZAL iyulun 8-də Dubaydan çarter reysi yerinə yetirərək 186 həmyerlimizi Bakıya çatdırıb”, - deyə məlumatda bildirilir.
Yalnız reysdən əvvəl 48 saat ərzində koronavirus COVID-19-a dair testin mənfi nəticəsi barədə arayışı təqdim edən sərnişinlər uçuşa buraxılıb.
Reyslə gələn bütün sərnişinlər iki həftə müddətində özünütəcrid şəraitində qalmalıdır.
Qeyd edək ki, AZAL-ın çarter reysləri Azərbaycan Respublikasının Nazirlər Kabineti yanında Operativ Qərargahın müəyyən etdiyi plana uyğun qaydada yerinə yetirilir.*
X.Nəsirzadə