“Azərbaycan Hava Yolları” QSC (AZAL) oktyabr ayının sonunadək Bakıdan İstanbul, Berlin və Londona xüsusi reyslər yerinə yetirəcək. Bu barədə AZAL-dan məlumat verilir.
“Yeni cədvələ uyğun olaraq, İstanbula uçuşlar hər gün, Londona hər həftə cümə axşamları, Berlinə isə cümə günləri yerinə yetiriləcək”, - aviaşirkətdən məlumat verilir.
Aviabiletləri aviaşirkətin rəsmisaytında əldə etmək olar.
Xəbər verildiyi kimi, iyulun 2-dən AZAL Bakı-İstanbul-Bakı, iyulun 16-dan Bakı-London-Bakı, iyulun 17-dən Bakı-Berlin-Bakı marşrutu ilə xüsusi reyslərin yerinə yetirilməsinə başlayıb.
Uçuşlara yalnız koronavirus (COVID-19) testindən keçən sərnişinlər buraxılacaq.COVID-19 üçün testin neqativ nəticəsi barədə arayışı sərnişin uçuşdan 48 saat əvvəl almalıdır. **
N.Abbasova