MDB İcraiyyə Komitəsi müşahidə missiyasının rəhbəri, Rusiya Federasiyası Dövlət Dumasının MDB məsələləri, Avrasiya inteqrasiyası və həmvətənlərlə iş üzrə komitəsinin sədri Leonid Kalaşnikov hazırki vəziyyətdə Dağlıq Qarabağın statusunun dəyişdirilməsinin müzakirəsini qeyri-səmərəli hesab edir.

“Dağlıq Qarabağın statusunun dəyişdirilməsi, yəni qəbul olunması və ya (müstəqilliyinin) qəbul edilməməsi indi son dərəcədə zərərli olacaq”, - Kalaşnikov bazar günü “İnterfaks”a bildirib.

Onun fikrincə, “həm bir tərəfin, həm də digər tərəfin hazırki şəraitdə hansısa beynəlxalq təşkilatlara ümid bağlaması çox mənasız olacaq”.

“Yalnız üç nəfər: iki prezident – Putin və Əliyev və baş nazir Paşinyan vəziyyətdən çıxış yolu tapa bilərlər”, - Komitə sədri bildirib.

Həmçinin, onun sözlərinə görə, “biz heç kimin tərəfində olmamalıyıq”. **