Azərbaycanın Hərbi Komandanlığı Dağlıq Qarabağ münaqişəsi zonasında hərbi əməliyyatlar zonasından erməni vətəndaşlarının təxliyəsi üçün şərait yaratmağa hazırdır.
“Döyüşlər gedən istiqamətlərdəki yaşayış məntəqələrində məskunlaşan ölkəmizin erməni vətəndaşlarına müraciət edərək bildirir ki, Azərbaycan Ordusu dinc əhalini, mülki obyektləri və infrastrukturu hədəfə almır. Azərbaycan Ordusunun hədəfi işğal olunmuş ərazilərimizdəki atəş mövqeləri, hərbi obyektlər və hərbi infrastrukturdur. Bununla əlaqədar bu ərazilərdə məskunlaşan mülki əhalini döyüşlər gedən bölgələrdən uzaq durmağa çağırırıq”, - bəyanatda qeyd edilir.
Bəyan olunur ki, Azərbaycanın Hərbi Komandanlığı bildirir ki, onların ağır döyüşlərdən ziyan çəkməməsi və ərazidən maneəsiz təxliyəsi üçün tərəfimizdən müvafiq şərait yaradılacaq.
"Mülki əhali ilə Cenevrə Konvensiyasının tələblərinə uyğun rəftar olunacaq və onların insan hüquqları qorunacaq", - MN-dən vurğulanır. **
X.Nəsirzadə