Azərbaycan Müdafiə Nazirliyi Ağdərə, Xocavənd və Qırmızı Bazar yaşayış məntəqələrinin guya Azərbaycan Ordusu tərəfindən atəşə tutulması barədə Ermənistanın yaydığı məlumatı təkzib edib.
“Dağlıq Qarabağ ərazisindəki Ağdərə, Xocavənd və Qırmızı Bazar yaşayış məntəqələrinin guya Azərbaycan Ordusu tərəfindən atəşə tutulması barədə Ermənistanın yaydığı xəbərin heç bir əsası yoxdur və yalandır. Tam əksinə, oktyabrın 23-ü gecə ərzində və bu gün səhər saatlarında Ermənistan silahlı qüvvələri tərəfindən Tərtər, Ağdam və Ağcabədi rayonlarının ərazisi intensiv atəşə tutulub», - MN-dən qeyd olunur
Nazirlikdən bildirilir ki, humanitar atəşkəs rejiminə əməl edən Azərbaycan Ordusunun qoşunları bütün cəbhə boyu əməliyyat üstünlüyünü saxlayır. **
Ə.Məmmədov