Çərşənbə gününə keçən gecə Azərbaycan Ordusu Kəlbəcər rayonuna daxil olub. Bu barədə Müdafiə Nazirliyindən məlumat verilir.
“Azərbaycan Respublikası, Rusiya Federasiyası prezidentləri və Ermənistan Respublikası baş nazirinin imzaladığı üçtərəfli Bəyanata əsasən Azərbaycan Ordusunun bölmələri noyabrın 25-də Kəlbəcər rayonuna daxil olub.
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir», - məlumatda qeyd olunur. **
X.Nəsirzadə