Azərbaycanda 1,9 milyona yaxın şəxs koronavirus (COVID-19) əleyhinə iki mərhələ üzrə vaksinasiya olunub. Bu barədə Nazirlər Kabineti yanında Operativ Qərargahın məlumatında deyilir.
İyulun 24-nə olan məlumata görə, 2 milyon 634,015 min nəfər birinci, 1 milyon 882,972 min nəfər ikinci mərhələ üzrə vaksinasiya olunub.
Vurulan vaksinlərin ümumi sayı 4 milyon 516,987 min təşkil edir.
2021-ci il mayın 1-nə Azərbaycan əhalisinin sayı 10 milyon 133,078 min nəfərdir. Beləliklə, iyulun 24-nə əhalinin 18,6%-i tam vaksinasiya olunub.
Azərbaycanda vaksinasiya prosesinə 2021-ci il yanvarın 18-dən başlanılıb və könüllü xarakter daşıyır. Ölkədə vaksinasiyanın 2021-2022-ci illərdə mərhələli şəkildə həyata keçirilməsi planlaşdırılır.
Hazırda Azərbaycanda “CoronaVac”, “AstraZeneca”, “Sputnik V” və “Pfizer” peyvəndlərindən istifadə edilir.**
A.Salayeva