Azərbaycanda 2 milyondan artıq şəxs koronavirus (COVID-19) əleyhinə iki mərhələ üzrə vaksinasiya olunub. Bu barədə Nazirlər Kabineti yanında Operativ Qərargahın məlumatında deyilir.
İyulun 29-na olan məlumata görə, 2 milyon 777,752 min nəfər birinci, 2 milyon 20,532 min nəfər ikinci mərhələ üzrə vaksinasiya olunub.
Vurulan vaksinlərin ümumi sayı 4 milyon 798,286 min təşkil edir.
2021-ci il iyunun 1-nə Azərbaycan əhalisinin sayı 10,135 milyon nəfərdir. Beləliklə, iyulun 29-na əhalinin 19,9%-i tam vaksinasiya olunub.
Azərbaycanda vaksinasiya prosesinə 2021-ci il yanvarın 18-dən başlanılıb və könüllü xarakter daşıyır. Ölkədə vaksinasiyanın 2021-2022-ci illərdə mərhələli şəkildə həyata keçirilməsi planlaşdırılır.
Hazırda Azərbaycanda “CoronaVac”, “AstraZeneca”, “Sputnik V” və “Pfizer” peyvəndlərindən istifadə edilir.**
N.Abbasova