“BP” şirkəti “Şahdəniz” yatağının işlənməsi üzrə “Mərhələ-2” çərçivəsində şimal cinahında beşinci quyudan qaz hasilatına başlayıb. Bu barədə “BP-Azerbaijan” şirkətindən məlumat verilir.
Şirkət qeyd edir ki, quyunun istifadəyə veruilməsi qrafikə uyğun şəkildə həyata keçirilib və 2021-ci ilin 4-cü rübünə planlaşdırılıb.
“Hazırda yataqdan gündəlik 70 milyon kubmetr qaz (ildə 25 milyard kubmetrdən artıq) hasil olunur”, - məlumatda deyilir.
“Şahdəniz” yatağının işlənməsi haqqında müqavilə 1996-cı il iyunun 4-də Bakıda imzalanıb və elə həmin il oktyabrın 17-də Milli Məclisdə ratifikasiya edilib. “Şahdəniz” layihəsinin iştirakçıları BP (operator – 28,8%), “Petronas” (15,5%), SOCAR (16,7%), LUKOİL (10%), NICO (10%) və TPAO (19%) şirkətləridir.
2021-ci ilin yanvar-sentyabr aylarında “Şahdəniz” yatağından hasil edilən qazın ixrac həcmi 16 milyard kubmetr qaz və 3 milyon ton kondensat təşkil edib. **
B.Rüstəmbəyov