2022-ci il aprelin 11-də “Bakı Sığorta” şirkətinin səhmdarlarının ümumi yığıncağı keçiriləcək. Bu barədə “İnterfaks-Azərbaycan” agentliyinə şirkətdən məlumat verilib.
“Yığıncaqda səhmdarlar 2021-ci il üzrə maliyyə hesabatlarını təsdiq edəcəklər və şirkətin fəaliyyəti ilə bağlı digər məsələləri müzakirəyə çıxaracaqlar”, - deyə məlumatda bildirilir.
“Bakı Sığorta” şirkəti 2007-ci il oktyabrın 1-dən fəaliyyətə başlayıb. Şirkətin səhmdarları 4 hüquqi və 2 fiziki şəxsdir. Nizamnamə kapitalı 8 milyon 925 min 439,65 manata bərabərdir.*
R.Əhmədov