Azərbaycan Müdafiə Nazirliyi Ermənistan silahlı qüvvələrinin bölmələri tərəfindən Kəlbəcər rayonunda yerləşən Azərbaycan Ordusunun mövqelərinin atəşə tutulması ilə bağlı məlumat yayıb.
“Fevralın 23-ü saat 03:55-də Ermənistan silahlı qüvvələrinin bölmələri Basarkeçər rayonunun Yuxarı Şorca yaşayış məntəqəsində yerləşən mövqelərindən Kəlbəcər rayonunun Zəylik yaşayış məntəqəsində yerləşən Azərbaycan Ordusunun mövqelərini heç bir səbəb olmadan atıcı silahlardan istifadə etməklə atəşə tutub”, - deyə məlumatda bildirilir.
Bölmələrimizin cavab tədbirləri nəticəsində qarşı tərəf susdurulub.*