Azərbaycanın xarici işlər nazirinin müavini Xələf Xələfov Almaniyaya səfəri çərçivəsində AFR-in Xarici İşlər Nazirliyinin Şərqi Avropa, Qafqaz və Mərkəzi Asiya ölkələri üzrə müvəkkili Mattias Lüttenberq və AFR-in federal kanslerinin xarici və təhlükəsizlik siyasəti üzrə müşavirinin müavini Kristian Aulbaxla görüşlər keçirib.
“Tərəflər iqtisadi əlaqələrin inkişafı, Almaniyanın işğaldan azad edilmiş ərazilərimizin yenidənqurma işlərində fəal iştirakı, enerji sahəsində əməkdaşlığın dərinləşdirilməsinə dair imkanlar müzakirə ediblər”, - Azərbaycan XİN-dən məlumat verilir.
Həmsöhbətlər həmçinin qarşılıqlı maraq doğuran digər məsələlər, o cümlədən regional və beynəlxalq təhlükəsizlik məsələləri, eyni zamanda Ukraynadakı vəziyyət üzrə fikir mübadiləsi aparıblar. **
E.Şəfiyev