“Buta Airways” aviaşirkətinin Bakıdan Həştərxana uçan təyyarəsi hava şəraitinin kəskin pisləşməsi ilə əlaqədar hava limanına geri qayıdıb. Bu barədə aviaşirkətdən məlumat verilib.
““Buta Airways” aviaşirkətinin J2-9235 nömrəli Bakı-Həştərxan reysini yerinə yetirən hava gəmisinin kapitanı Həştərxan hava limanı ətrafında hava şəraitinin kəskin pisləşməsi (zəif görünmə) ilə əlaqədar hava limanına geri qayıtmaq qərarına gəlib”, - deyə məlumatda bildirilir.
Təyyarə saat 17:40-da Heydər Əliyev Beynəlxalq Aeroportuna uğurla eniş edib.
Qeyd edilir ki, reysin sərnişinləri hava şəraiti yaxşılaşdıqdan sonra Həştərxana yola düşəcəklər.*
R.Kərimov