Prezident İlham Əliyev Özbəkstanla bir sıra sazişləri təsdiq edib. Bu barədə dövlət başçısının saytında məlumat verilib.
“İnterfaks-Azərbaycan” agentliyinin verdiyi xəbərə görə, “Azərbaycan Respublikası Hökuməti ilə Özbəkistan Respublikası Hökuməti arasında hərbi sahədə əməkdaşlıq haqqında” Saziş, “Azərbaycan Respublikası Hökuməti və Özbəkistan Respublikası Hökuməti arasında regionlararası əməkdaşlıq haqqında” Saziş, “Azərbaycan Respublikası Hökuməti ilə Özbəkistan Respublikası Hökuməti arasında qanunsuz miqrasiyaya qarşı mübarizə sahəsində əməkdaşlıq haqqında” Saziş və “Azərbaycan Respublikası Hökuməti ilə Özbəkistan Respublikası Hökuməti arasında sənaye sahəsində əməkdaşlıq haqqında” Saziş təsdiq edilib.
Bu sazişlər Prezident İlham Əliyevin Özbəkistana rəsmi səfəri zamanı 2022-ci il iyunun 21-də Daşkənd şəhərində imzalanıb.
Dövlət başçısı, həmçinin 2022-ci il iyunun 20-də Daşkənd şəhərində imzalanmış “Azərbaycan Respublikasının Milli Arxiv İdarəsi ilə Özbəkistan Respublikasının “Özarxiv” Agentliyi arasında arxiv işi sahəsində əməkdaşlıq haqqında” Sazişi də təsdiq edib.*
B.Rüstəmbəyov