Azərbaycan Respublikasının Prezidenti İlham Əliyev oktyabrın 11-də Qırğız Respublikasına dövlət səfərinə gəlib.
Hava limanında dövlət başçısını Qırğızıstan Prezidenti Sadır Japarov qarşılayıb.
Daha əvvəl verilən məlumata görə, Əliyev Japarovla danışıqlar aparacaq. İki ölkə liderləri ikitərəfli və çoxtərəfli əməkdaşlığa dair aktual məsələləri, habelə səmərəli qarşılıqlı əlaqələrin qurulması və gələcək inkişaf perspektivlərini müzakirə edəcəklər.
Səfər zamanı, həmçinin Dövlətlərarası Şuranın birinci iclasının keçirilməsi planlaşdırılır. Bundan başqa, Qırğızıstan-Azərbaycan Dostluq parkının, eləcə də Heydər Əliyev adına və Nizami Gəncəvi adına ümumtəhsil məktəblərinin açılışı olacaq.*
R.Əhmədov