Müdafiə Nazirliyi Ermənistan silahlı qüvvələri tərəfindən iki dövlətin sərhədində Azərbaycan Ordusunun mövqelərinin atəşə tutulması barədə məlumat verib.
“Oktyabrın 18-i saat 18:40-dan oktyabrın 19-u saat 01:45-dək Ermənistan silahlı qüvvələrinin bölmələri Basarkeçər rayonunun Qaraiman, Pəmbək və Günəşli yaşayış məntəqələri istiqamətlərində yerləşən mövqelərindən Azərbaycan Ordusunun Daşkəsən rayonunun Təzəkənd və Astaf, Gədəbəy rayonunun Daryurd yaşayış məntəqələri istiqamətlərində yerləşən mövqelərini atıcı silahlardan istifadə etməklə fasilələrlə atəşə tutub”, - nazirliyin məlumatında deyilir.
Bildirilir ki, Ordumuzun qeyd olunan istiqamətlərdə yerləşən bölmələri tərəfindən “adekvat cavab tədbirləri görülüb”. **
R.Kərimov