Azərbaycanın xarici işlər naziri Ceyhun Bayramov İstanbulda baş verən partlayışda ölənlərlə bağlı Türkiyəyə başsağlığı verib.
“İstanbul şəhərində İstiqlal prospektində partlayış xəbəri bizi dərindən kədərləndirdi. Bu terror nəticəsində həyatlarını itirənlərin ailələrinə və yaxınlarına, qardaş Türkiyəyə başsağlığı verir, yaralılara şəfa diləyirik. Azərbaycan hər zaman qardaş Türkiyənin yanındadır!”, - deyə nazir rəsmi tviter səhifəsində yazıb.
Xəbər verildiyi kimi, noyabrın 13-də İstanbulun Beyoğlu rayonunda, Taksim meydanı yaxınlığında partlayış baş verib.
Son məlumatlara görə, İstiqlal prospektində partlayış zamanı 6 nəfər ölüb, 53 nəfər yaralanıb.*
R.Kərimov