Macarıstanın aşağıbüdcəli aviaşirkəti - "WizzAir" 2023-cü ildə beş yeni marşrut, o cümlədən Azərbaycana reysin açılması hesabına Romadan beynəlxalq reyslərin sayını 66-dək artıracaq.
“İnterfaks-Azərbaycan” agentliyi aviaşirkətin rəsmi saytında dərc olunan məlumata istinadən xəbər verir ki, 2023-cü il mayın 1-dən Roma-Bakı-Roma marşrutu üzrə uçuşlara başlayacaq. Uçuşlar həftədə iki dəfə - bazar ertəsi və cümə günləri yerinə yetiriləcək.
Romadan uçuş saat 06:20-də, Bakıya eniş saat 12:55-də həyata keçiriləcək. Əks istiqamətdə təyyarə Bakıdan üçuş saat 13:25-də, Romaya eniş isə saat 16:25-də olacaq (hər aeroport üçün yerli vaxt göstərilib). **
N.Abbasova