“Qazprom” şirkətinin İdarə Heyətinin sədri Aleksey Miller SOCAR-ın prezidenti Rövşən Nəcəflə işgüzar görüş keçirib.
“Tərəflər şirkətlər arasında qarşılıqlı fəaliyyətin gedişini, habelə əməkdaşlığın inkişaf etdirilə biləcəyi istiqamətləri müzakirə ediblər”, - deyə “Qazprom”un məlumatında bildirilir.
Hazırda Azərbaycan və Rusiya təbii qazın mövsümi mübadiləsi sahəsində əməkdaşlıq edir. Müqavilə yay mövsümündə Azərbaycandan Rusiyaya, qış mövsümündə isə Rusiyadan Azərbaycana analoji həcmdə qazın tədarükünü nəzərdə tutur. Tədarük həcmi yay aylarında Azərbaycanda qaz hasilatı və istehlak səviyyəsindən asılıdır. Mexanizm tərəflərə öz neft-qaz infrastrukturundan optimal istifadə etməyə imkan verəcək.
Bundan başqa, iki ölkə hazırda qaz ticarəti mərkəzinin yaradıldığı Türkiyə bazarına qaz tədarük edir.*
İqtisadi xəbərlər şöbəsi