Macarıstanın xarici işlər və ticarət naziri Peter Siyarto ölkə şirkətlərinin Azərbaycanın Qarabağ regionunun bərpasında iştirak etməyə hazır olduğunu bildirib.
“Macarıstan şirkətləri Azərbaycanın Qarabağ regionunun bərpasında iştirak etməyə hazırdır. Bunlar nəqliyyat infrastrukturu, səhiyyə, kommunal xidmətlər sahəsində layihələr ola bilər”, - deyə o, Macarıstanın paytaxtı Budapeşt şəhərində keçirilən Azərbaycan-Macarıstan biznes forumunda bildirib.
Nazir qeyd edib ki, bu, iki ölkə arasında iqtisadi əməkdaşlığın yalnız bir hissəsidir.
“Biz istərdik ki, Macarıstan və Azərbaycanın mümkün qədər daha çox iqtisadi subyekti iki ölkə arasında strateji tərəfdaşlıqdan faydalansın və indi bunun üçün hər cür şərait yaradılıb”, - deyə P.Siyarto vurğulayıb.*
Xəbərlər şöbəsi