Milli Məclisin sədri Sahibə Qafarova bəyan edib ki, Ermənistan Azərbaycana qarşı ərazi iddiaları siyasətini davam etdirir.
S.Qafarova ötən gün Bəhreyndə Qoşulmama Hərəkatı Parlament Şəbəkəsinin İkinci Konfransında və Parlamentlərarası İttifaqın 146-cı Assambleyasında keçirilən müzakirələrdə çıxış edib. Azərbaycan parlament rəhbərindən əvvəl Ermənistan parlamentinin spikeri Alen Simonyan çıxış edib.
“Simonyanın Ermənistanın heç bir ölkəyə qarşı ərazi iddiasının olmadığı haqda fikir bildirməsinə toxunan Qafarova Ermənistanın Azərbaycan ərazilərini 30 ilə yaxın işğal altında saxladığını bir daha xatırladıb. Digər tərəfdən, Ermənistan 10 noyabr 2020-ci ildə imzalanmış üçtərəfli Bəyanatı pozaraq, öz silahlı qüvvələrini Azərbaycanın beynəlxalq səviyyədə tanınmış ərazilərində saxlamağa davam edir”, - deyə Milli Məclisin Mətbuat və ictimaiyyətlə əlaqələr şöbəsindən bildirilib.
Azərbaycan parlamentinin rəhbərinin sözlərinə görə, Ermənistan, həmçinin Cənubi Qafqazdakı vəziyyətlə bağlı yalan məlumatlar yaymaqda davam edir, Azərbaycan ərazisinə qanunsuz şəkildə silah-sursatın daşınmasını, şəxsi heyətin rotasiyasını həyata keçirir. Onun fikrincə, bununla da Ermənistanın Azərbaycana qarşı ərazi iddiaları var.*
R.Əhmədov