Kişineu Azərbaycandan əlverişli qiymətə qaz tədarükünə ümid edir. Bunu Moldova Prezidenti Maya Sandu deyib.
“Biz Azərbaycanla enerji sahəsində strateji tərəfdaşlığa, xüsusilə əlverişli qiymətə qaz tədarükünə ümid edirik”, - deyə Sandu mayın 31-də Kişineuda Azərbaycan Prezidenti İlham Əliyevlə görüşdə bildirib.
Hazırda Azərbaycan 6 ölkəyə – Gürcüstan, Türkiyə, İtaliya, Yunanıstan, Bolqarıstan və Rumıniyaya qaz ixrac edir.
Prezident İlham Əliyev daha əvvəl bildirmişdi ki, Azərbaycan qazının alıcılarının sayı 10-a çatacaq. Xüsusilə 2023-cü ilin sonunda Macarıstan və Serbiyaya qaz ixracına başlanılması planlaşdırılır.*
R.Kərimov