Azərbaycan prezidenti İlham Əliyev bazar ertəsi “Starwood Capital Group” şirkətinin təsisçisi və icraçı direktoru Berri Sternlixi qəbul edib.
Dövlət başçısının saytındakı məlumatda qeyd olunur ki, görüşdə Azərbaycanda münbit investisiya şəraitinin mövcudluğu qeyd edildi, energetika sahəsi, xüsusilə alternativ enerji, logistika, turizm sahələrinə əlverişli investisiya qoyuluşu üçün yaxşı imkanların olduğu vurğuland. Bununla bağlı fikir mübadiləsi aparıldı.
Əliyev Azərbaycan Respublikası Dövlət Neft Fondunun “Starwood Capital Group” şirkəti ilə sıx əlaqələrinin olmasını müsbət qiymətləndirdi və mövcud tərəfdaşlığın daha da gücləndirilməsi üçün səylərin davam etdirilməsinin önəmini vurğuladı. O, həmçinin qeyri-sabit maliyyə bazarları dövründə də ARDNF-nin aktivlərinin artmasının müsbət hal olduğunu dedi.
Öz növbəsində, Sternlix bildirib ki, ARDNF ilə çoxillik və möhkəm əməkdaşlıq “rəhbərlik etdiyi şirkət üçün böyük önəm daşıyır və onlar gələcəkdə bu əməkdaşlığın daha da dərinləşdirilməsində maraqlıdırlar”. **
R.Kərimov