2023-cü ilin yanvar-iyun aylarında “Muğanbank” ASC-nin aktivləri 9,7% - 721 milyon 860,4 min manata qədər azalıb. Bu barədə “İnterfaks-Azərbaycan” agentliyinə bankdan məlumat verilib.
İyunun 30-na bankın kredit portfeli 454,133 milyon manat (2022-ci ilin sonuna olan göstərici ilə müqayisədə artım 0,1% - İF) təşkil edib. İstehlak kreditləri 45,479 milyon manat (artım 2%), biznes kreditləri 269,571 milyon manat (azalma 8,7%), daşınmaz əmlak kreditləri 139,069 milyon manat məbləğində (artım 21,9%) qiymətləndirilir.
Bankın öhdəlikləri 576,006 milyon manata (azalma 18,4%) bərabərdir. Bankdakı depozitlər 393,826 milyon manat (azalma 19,9%), o cümlədən əhalinin əmanətləri 341,909 milyon manat (azalma 13,4%) təşkil edir.
“Muğanbank”ın kapitalı 145,854 milyon manat (artım 56,5%), nizamnamə kapitalı 162,5 milyon manat (artım 51,2%) təşkil edir.
2023-cü ilin birinci yarısında fəaliyyətinin yekunları üzrə bankın zərəri 2 milyon 337,12 min manat (2022-ci ilin yanvar-iyun aylarının yekunları üzrə 506,06 min manat xalis mənfəətə qarşı) təşkil edib.
“Muğanbank” 1992-ci ilin noyabr ayında yaradılıb. Bankın səhmdarları 4 fiziki şəxsdir.**
X.Nəsirzadə