Azərbaycan və Türkiyə həm qarşılıqlı investisiyalar, həm də ticarət münasibətləri sahəsində əsas tərəfdaşdır. Bunu Azərbaycanın xarici işlər naziri Ceyhun Bayramov deyib.
“2022-ci ildə qarşılıqlı ticarət dövriyyəmiz 2021-ci ilin göstəricilərini 25% üstələyərək $6 milyarda yaxınlaşıb. 2023-cü ilin birinci yarısının göstəriciləri də bizi sevindirir. Ticarət dövriyyəsi 34% artaraq $3,9 milyardı ötüb”, - deyə o, bu gün Ankarada türkiyəli həmkarı Hakan Fidanla birgə mətbuat konfransı zamanı bildirib.
Öz növbəsində, Fidan deyib ki, ikitərəfli görüş zamanı nəqliyyat sahəsində əməkdaşlıq məsələləri müzakirə olunub və Orta Dəhliz və Qars-Naxçıvan dəmir yolunun tikintisi layihəsinin həyata keçirilməsinin əhəmiyyəti qeyd edilib.*
B.Rüstəmbəyov