İrəvan və Bakı uzunmüddətli sülhə nail olmaq üçün bütün imkanlara malikdir. Ermənistan baş naziri Nikol Paşinyan belə hesab edir.
“Bütün çətinliklərə baxmayaraq, Ermənistan və Azərbaycanın uzunmüddətli, sabit sülhə nail olmaq üçün imkanı var”, - Paşinyan cümə axşamı hökumətin iclasında deyib.
Onun sözlərinə görə, Ermənistan ilə Azərbaycan arasında sərhədlər 1991-ci il Alma-Ata Bəyannaməsi ilə müəyyən edilib ki, bu da 6 oktyabr 2022-ci ildə Praqada keçirilən görüşün (Azərbaycan prezidenti ilə - İF) nəticələri ilə təsdiqlənib. Burada bəyannamə ölkələr arasında sərhədlərin delimitasiyası və demarkasiyası üçün əsas kimi qəbul edilib.
Eyni zamanda onun fikrincə, Azərbaycanın planı belədir: sonra Alma-Ata Bəyannaməsində qeydə alınmış sərhədə etiraz etmək mümkün olan müddəaları istisna olmaqla, Ermənistanla sülh sazişi imzalamaq, və artıq demarkasiya və delimitasiya prosesində guya Ermənistana qarşı ərazi iddiaları irəli sürmək.
"Biz Ermənistan ilə Azərbaycan arasında bir-birinin 86.600 və 29.800 kv. km ərazi bütövlüyünün tanınması əsasında sülhün bərqərar olması barədə razılığa sadiqik. Azərbaycandan bu razılaşmanın açıq şəkildə təsdiqini gözləyirik", - Paşinyan bildirib.
Paşinyan vurğulayıb ki, İrəvanın Azərbaycanla sərhəddə qoşunların qarşılıqlı şəkildə geri çəkilməsi təklifi qüvvədədir, sərhədlərin delimitasiyası və demarkasiyası isə sərhədin olmadığından xəbər vermir, əksinə, SSRİ-nin süqutu anında inzibati sərhədlərin dövlət sərhədi olduğunun təsdiqidir.
Bundan başqa, Ermənistanın baş naziri sülh gündəliyinə sadiqlik addımı kimi Azərbaycanı Ermənistan hökuməti tərəfindən Laçın yolu vasitəsilə Qarabağa göndərilən yükün daxil olmasının qarşısını almamağa çağırıb. **