2023-cü ilin yanvar-iyun aylarında Avropa İttifaqı (Aİ) ölkələrindən Azərbaycana ətir və tualet suyu ixracı illik hesablamada 9,9% - 135,3 tonadək artıb. Bu barədə Avropa İttifaqı Statistika İdarəsinin (Avrostat) “İnterfaks-Azərbaycan” agentliyinin əldə etdiyi materiallarında qeyd olunur.
Statistik məlumatlara əsasən, tədarük pul ifadəsində 37% artaraq 8,576 milyon avroya çatıb.
İyun ayında qeyd olunan məhsulların Azərbaycana tədarükü ildən ilə iki dəfə artaraq 21,3 ton (ildən ilə azalma 16%), onların dəyəri 17,3% azalaraq - 1,289 milyon avro təşkil edib.
İyunda ixracatçılar arasında pul ifadəsində Almaniya (488 min avro) lider olub.
Həmçinin, bu ölkə Azərbaycan bazarına ətir və tualet suyu tədarükü üzrə pul ifadəsində və birinci yarım ilin yekunlarına görə (4,1 milyon avro, ildən ilə artım 46,5%) lider mövqedədir. Yanvar-iyun aylarında ətir və tualet suyu ixracatçılarının (dəyər ifadəsində) ilk üçlüyünə həmçinin Fransa – 2,11 milyon avro (artım 65%), İtaliya – 1,024 milyon avro (artım 54,2%) daxil olub.
Avrostatın məlumatına görə, 2022-ci ildə Aİ ölkələri Azərbaycana ətir və tualet suyu tədarükünü 2021-ci illə müqayisədə 2,7% - 306 tonadək artırıb. Pul ifadəsində ixrac 60,2% artaraq 16,992 milyon avroya çatıb. **
R.Kərimov