Azərbaycan İqtisadiyyat Nazirliyi 2023-cü il üçün inflyasiya proqnozunu təkrar nəzərdən keçirib – 9,5% səviyyəsində gözləyir.
Daha əvvəl İqtisadiyyat Nazirliyi bu il üçün Azərbaycanda orta illik inflyasiyanın 10,4% səviyyəsində olacağını proqnozlaşdırıb.
Azərbaycan Maliyyə Nazirliyinin dərc etdiyi proqnoza əsasən, İqtisadiyyat Nazirliyi 2024-cü ildə orta illik inflyasiyanın 5,3%-ə qədər azalmasını gözləyir.
2025-ci ildə orta illik inflyasiya 4,9%, 2026-cı ildə 4,4%, 2027-ci ildə 4,2% səviyyəsində proqnozlaşdırılır.
İqtisadiyyat Nazirliyinin qiymətləndirmələrinə görə, 2024-2027-ci illər üçün manatın dollara nisbətən məzənnəsi 1,7 AZN/$ 1 səviyyəsində proqnozlaşdırılır.
2022-ci ildə Azərbaycanda orta illik inflyasiya 13,9% təşkil edib. **