Kremldə Azərbaycan və Ermənistan arasında sülh sazişinin hazırlanmasında əhəmiyyətli irəliləyiş qeydə alınıb, yekun qərara çıxış əldə etmək mümkündür. Bunu RF prezidentinin mətbuat katibi Dmitri Peskov deyib.
"Hazırda çətin ki, kimsə müddət (sülh sazişinin imzalanması) qeyd etsin. Lakin Qarabağın mənsubiyyəti ilə bağlı əsas məsələnin hazırda həll olunduğunu nəzərə alsaq, hansı ki, Ermənistanın Qarabağın mənsubiyyətini tanımaq qərarı ilə həll olunub, demək olar ki, önəmli irəliləyiş təmin edilib", - Peskov cümə axşamı jurnalistlərə bildirib.
O qeyd edib ki, «bu saziş üzərində iş başa çatdırılana qədər bir çox texniki məqamlar qalmaqdadır».
"Lakin bunun üçün ilkin şərtlər mövcuddur. Xoş niyyət olduqda finiş xəttinə çıxmaq olar", - Peskov bildirib. **