Ermənistanın baş naziri Nikol Paşinyan bəyan edib ki, ölkənin hüquq-mühafizə orqanları müxalifətin mitinqlərinə sərt və operativ reaksiya verəcək.
"Sərt və operativ reaksiya olacaq. Küçələrdə qan tökülməsini istəyirlər. Biz sərt, lakin qanun çərçivəsində hərəkət edəcəyik. Biz həmvətənlərimizi, hətta bizə qarşı olanları da sevirik", - Paşinyan videomüraciətində bildirib.
Onun sözlərinə görə, hüquq-mühafizə sistemi işləyir, həbslər baş verir və baş verəcək, iğtişaşlarda təqsirli olanlar məsuliyyətə cəlb ediləcək.
O, Ermənistan əhalisini sakitliyi qorumağa və qanun çərçivəsini keçməməyə çağırıb.
"Əks təqdirdə, mütənasib və sərt qarşılıqlı tədbirlər tətbiq ediləcək. Bütün aidiyyəti orqanlar məndən tapşırıq alıb", - Paşinyan bildirib. **