Azərbaycan Xarici İşlər Nazirliyi (XİN) Avropa İttifaqının (Aİ) Xarici Əlaqələr və Təhlükəsizlik Siyasəti üzrə Ali Nümayəndəsi Cozep Borrelin Qarabağ regionunda keçirilmiş lokal xarakterli antiterror tədbirləri ilə bağlı bəyanatını tənqid edib.
“Borrelin regionda baş verən son hadisələrlə bağlı bəyanatı yerlərdəki bütün reallıqları qəsdən təhrif edir”, - XİN-in bəyanatında deyilir
“İnterfaks-Azərbaycan” məlumat verir ki, nazirlik xatırladır ki, Aİ Azərbaycanın suveren ərazilərinin 30 ilə yaxındır davam edən hərbi işğalını pisləməkdən həmişə çəkinmiş və 2020-ci il müharibəsindən sonra Azərbaycanın regionda sülh və sabitliyin bərqərar edilməsi istiqamətində fəaliyyətini heç vaxt təqdir etməmişdir. Azərbaycana qarşı təhdidedici bəyanat səviyyəsinə qədər ikitərəfli yanaşma regionumuzda sülhə xələl gətirir.
“Bir daha xatırladırıq ki, Azərbaycanın öz suveren ərazilərində yerləşdirilmiş qanunsuz erməni hərbi birləşmələrinin məhv edilməsi üzrə qanuni tədbirləri növbəti təxribatların və hücumların qarşısının alınmasına yönəlib”, - XİN qeyd edir.
“Bu gün Yevlaxda Azərbaycan hakimiyyəti ilə erməni sakinlərin nümayəndələri arasında Ermənistan sakinlərinin reinteqrasiyası, infrastrukturun bərpası və Azərbaycanın Konstitusiyası və qanunları əsasında fəaliyyətin təşkili ilə bağlı konstruktiv müzakirələrə bir daha Aİ tərəfindən açıq məhəl qoyulmaması Aİ daxilində müəyyən dairələrin dar siyasi məqsədlərini təsdiqləyir”, - Azərbaycan XİN-də hesab edirlər.
Nazirlik Borrelin humanitar vəziyyət, yerli erməni sakinlərin hüquq və təhlükəsizliyinin təmin edilməsi ilə bağlı iddialarına toxunaraq, diqqətə çatdırır ki, bugünkü müzakirə nəticəsində Azərbaycan beynəlxalq tərəfdaşlarının dəstəyi ilə yerli ermənilərə daha yaxşı abad həyat lazımi köməklik göstərəcək. “Azərbaycanın bu istiqamətdə hərəkətlərinə hər hansı müdaxilə əks-məhsuldar və faydasız olardı”.
«Həmçinin bildirmək istəyirik ki, Azərbaycan Ermənistanla sülhə sadiqdir və ümid edirik ki, Azərbaycan tərəfindən marionet rejimin və qanunsuz erməni hərbi birləşmlərinin qalıqlarının zərərsizləşdirilməsi tədbirləri Ermənistanla sülh sazişinin bağlanmasına müsbət təsir göstərəcək», - XİN qeyd edir. **
R.Əhmədov