Bazar ertəsi Azərbaycan prezidenti İlham Əliyev və Türkiyə prezidenti Rəcəb Tayyib Ərdoğan İğdır-Naxçıvan qaz kəmərinin təməlini qoydlar.
“İğdır-Naxçıvan qaz kəmərinin çəkilişi Naxçıvanın enerji təhlükəsizliyini daha böyük ölçüdə təmin edəcək”, - Əliyev Türkiyə prezidenti Rəcəb Tayyib Ərdoğanla mətbuata birgə bəyanatı zamanı deyib.
Onun sözlərinə görə, Ermənistan bütün elektrik və qaz xətlərini kəsmişdi və Naxçıvan 15 il qazsız yaşamışdır. “Ancaq 2005-ci ildə İran İslam Respublikası ilə imzalanmış anlaşmaya görə (svop ilə - İF), mübadilə yolu ilə İrandan Naxçıvana qazın verilməsi təmin edilibr. İğdır-Naxçıvan qaz kəmərinin çəkilişi ikinci xətt vasitəsilə Naxçıvana təbii qazın verilməsinə şərait yaradacaq”, - prezident qeyd edib.
Əliyev hesab edir ki, Bakı və Ankara enerji sahəsində əməkdaşlıq üçün bpyük potensiala malikdir. “Bir neçə gündən sonra (sentyabrın 29-da - İF) Naxçıvanda Türkiyə-Azərbaycan 3-cü enerji forumu keçiriləcək. Naxçıvanda günəş elektrik stansiyalarının inşası ilə bağlı bizim böyük planlarımız var. Bu planlar gerçəkləşərsə, Naxçıvan “yaşıl enerji” zonasına çevrilə bilər. Gələcəkdə Naxçıvandan, ən azı, 1 min meqavat həcmində Türkiyəyə yaşıl enerji ixracı mümkün olacaq”, - Azərbaycan prezident əlavə edib.
Əliyev vurğulayıb ki, Bakı və Ankara qarşılıqlı ticarət dövriyəsini artırır. “2022-ci ilin yekunları üzrə ticarət dövriyyəsi $6 milyardı keçib, 7 ay ərzində artım 40% təşkil edib. Məqsədimiz illik ticarət dövriyyəsini $15 milyard səviyyəsinə çatdırmaqdır, mən əminəm ki, gələcəkdə buna nail olacağıq”, - dövlət başçısı deyib. **
R.Əhmədov