Vaşinqton İrəvan ilə təhlükəsizlik və enerjinin şaxələndirilməsi sahəsində əməkdaşlığı möhkəmləndirməyə davam edəcək. Bu barədə ABŞ prezidenti Co Bayden Ermənistanın baş naziri Nikol Paşinyana ünvanladığı məktubda qeyd edib.
"Biz enerjinin şaxələndirilməsi, dayanıqlıq, təhlükəsizlik sahəsində əməkdaşlığımızı möhkəmləndirməyə davam edəcəyik, bu yaxınlarda keçirilmiş həri təlimlər buna dəlalət edir”, - Ermənistan hökumətinin məlumatına görə, ABŞBeynəlxalq İnkişaf Agentliyinin(USAID) rəhbəri Samanta Pauerin Paşinyana təqdim etdiyi Baydenin məktubunda deyilir.
Bayden «ABŞ-ın Ermənistanın suverenliyi, müstəqilliyi, ərazi bütövlüyü və demokratiyasına zəmanət verən layiqli və sabit regional sülh cəhdinə qətiyyətlə dəstək verdiyini» bəyan edib.
"Ermənistan Azərbaycanla sülh danışıqlarında iştirak edərək, həmçinin mühüm iqtisadi islahatlar həyata keçirərək, hökumətin hesabatını yaxşılaşdıraraq və demokratik institutları möhkəmləndirərək bu məqsədə sadiqliyini nümayiş etdirib. Sizi əmin edirəm ki, Birləşmiş Ştatlar Ermənistanı ölkədə demokratiyanın möhkəmləndirilməsi və qonşuluğunuzda sabitliyin qurulması istiqamətində səylərində dəstəkləməyə davam edəcək", - Bayden qeyd edib. **