Azərbaycan Prezidentinin xüsusi tapşırıqlar üzrə nümayəndəsi Xələf Xələfov oktyabrın 3-də axşam saatlarında Tehrana səfər edəcək. Bu barədə “İnterfaks-Azərbaycan” agentliyi “Nour News” portalına istinadən xəbər verir.
X.Xələfovun İranın yüksək rütbəli rəsmiləri ilə görüşündə ikitərəfli münasibətlər və regionda cərəyan edən hadisələrin inkişafı diqqət mərkəzində olacaq.
Oktyabrın 2-də İran Xarici İşlər Nazirliyinin rəsmi nümayəndəsi Nəsir Kənani Azərbaycan nümayəndəsinin İrana planlaşdırılan səfəri barədə məlumat vermişdi.*
R.Kərimov