Azərbaycan hərbçiləri tərəfindən Ermənistan silahlı qüvvələrinə məxsus kvadrokopter zərərsizləşdirilib. Bu barədə Azərbaycan Müdafiə Nazirliyi məlumat yayıb.
“Oktyabrın 8-i saat 12:50 radələrində Ermənistan silahlı qüvvələrinin bölmələrinə məxsus kvadrakopter Azərbaycan Ordusunun Kəlbəcər rayonu Qılınclı dağı istiqamətində yerləşən bölmələrinin müdafiə mövqeləri üzərində kəşfiyyat xarakterli uçuş həyata keçirməyə cəhd göstərib, - deyə məlumatda bildirilir.
Bölmələrimiz tərəfindən aşkar olunan kvadrakopter xüsusi texniki vasitələrlə zərərsizləşdirilib.*
V.Əliyev