ABŞ Prezidenti Co Bayden bildirib ki, Yaxın Şərq ölkələri və qruplaşmaları İsrailin Qəzza zolağında keçirdiyi hərbi əməliyyat fonunda İsrailə hücum etməyə çalışmamalıdır.
“Baş verənləri öz məqsədləri üçün istifadə etməyə cəhd edə biləcək təşkilatlara və ölkələrə xəbərdarlıq etmək istəyirəm: bunu etməyi məsləhət görmürəm”, – deyə o, Ağ Evdə çıxışı zamanı bildirib.
Bayden xatırladıb ki, ABŞ Aralıq dənizinin şərq hissəsinə aviadaşıyıcı zərbə qrupu göndərməyə qərar verib və bu regionda döyüş aviasiyasını gücləndirib. “Lazım gələrsə, biz bu cür əlavə tədbirlər görməyə hazırıq”, – deyə ABŞ Prezidenti xəbərdarlıq edib.*